يوميات زوجه رجل ممل, يوووووووووووه علي الملل

28-12-2007, 02:06 AM

رقم المشاركة : 1 (permalink)

emad_522

Super Members

إحصائية العضو

emad_522 غير متواجد حالياً

يوميات زوجه رجل ممل, يوووووووووووه علي الملل

من اجمل القصص التي قراتها علي النت عشان كدة قررت اني اجبهالكو

بس طبعا عايزين تشجيع

يالة نبتدي

الحلقة الاولي

مر على زواجنا شهرين وكانوا يا سلاااااام أسعد شهرين في حياتي، وقلت لنفسي الناس فعلا بتهول لما بتقول أن الجواز شهر واحد عسل والباقي بصل، وأطمأن قلبي أن حياتي كلها هتكون عسل في عسل...

ومرت الأيام وبدأ زوجي "هاني" في انشغاله بعمله وبدأت أشعر بملل رهيب، طبعا بعد أن أصر زوجي الكريم أن أترك عملي بعد الزواج، بالإضافة أني كنت اجتماعية جدا، ولكن قلت لنفسي مادام طيب وابن حلال كله يهون، وحاولت أشغل وقت فراغي وطبعا لما يرجع من شغله يلاقي ما لذ وطاب على السفرة، زي ما أهلي علموني "أسهل طريق لقلب الراجل معدته".

وبعد ما يرجع هاني من الشغل، نأكل سوا ونقعد نتكلم شوية..نتفرج على التليفزيون وبعدين ننام، وهكذا كل يوم..روتين فظيع ما فيش أي نوع من التغيير...

وكنت أنتظر يوم الجمعة بفارغ الصبر، أخيرا هنتفسح..ولكن طلع يوم الجمعة يوم العائلة المقدس لازم تتجمع فيه عائلة زوجي الكريم...

وفي يوم من أيام الجمعة قررت أخرج من صمتي وأكلمه بصراحة..نفسي أخرررررررررج.

- صباح الخير يا هاني.
- صباح النور يا حبيبتي.
- إيه رأيك نخرج شوية النهاردة.
- طيب ما إحنا فعلا خارجين انت نسيتي النهاردة رايحيين لماما.
- أنا مش ناسية بس أنا نفسي نغير شوية إيه رأيك نخرج نقعد في أي حتة.

فجأة قلب هاني وشه وقال لي:
- أنت مش عايزاني أروح لأهلي خالص أنا ما كنتش فاكرك كدة، عيب عليكي دا اليوم الوحيد اللي بشوفهم فيه طول الأسبوع.
- يا حبيبي بالراحة أنا مش عايزة أفرق بينك وبينهم ولا حاجة بس أنا نفسي أغير جو، وممكن نروح لأهلك في أي يوم.
- بقولك إيه إنسي.. يلا ألبسي عشان نروح لماما.

وذهبنا لحماتي العزيزة وطبعا تأثير الخناقة باين عليا ما أنا نفسي أخرج أعمل إيه بس؟!
وبعد 3 ساعات حسيت أن هاني حس أخيرا بيا، وقال نروح بدري شوية..ولكن هيهات أنا كنت بحلم.
- نهي تعالي أنا عايزك.
- خير يا هاني.
- الأسلوب دا مش هينفع معايا أنت فاكرة عشان ما خرجتيش تروحي لماما مكشرة وما تتكلميش معاهم.
- بس أنا كنت بتكلم عادي.
- لأ دي ماما قالت لي أنك كمان ما كلتيش كويس.
- لا حول ولا قوة إل بالله يعني أصريت أني أروح ورحت، كمان هتتحكم أنا كلت ولا لأ، مش كفاية أننا لم نخرج، تصبح على خير.
- نهي استني أنا لسه بكلمك.
- هاني تصبح على خير.

كان نفسي فعلا نصبح على خير..لكن اللي حصل الصبح مكانش خير خاااالص..

* انتظروا ما حدث بين هاني ونهي في الحلقة التالية

الموضوع الأصلي: يوميات زوجه رجل ممل, يوووووووووووه علي الملل || الكاتب: emad_522 || المصدر: نغمات

28-12-2007, 02:11 AM

رقم المشاركة : 2 (permalink)

emad_522

Super Members

إحصائية العضو

emad_522 غير متواجد حالياً

رد: يوميات زوجه رجل ممل, يوووووووووووه علي الملل

بعد الحوار الأخير بيني وبين زوجي هاني عن الخروج، سلمت أمري إلى الله وقلت استنى يمكن تحصل معجزة وهاني يخرجني من نفسه..

وفي يوم" كان باين من أوله" خرج هاني كالعادة عشان يروح شغله، وبدأت في ترتيب البيت والطبيخ وبعد ما خلصت قلت أدخل أخد "دش سريع" ويا ريتني ما دخلت..

رن جرس الباب وأنا في الحمام وبالطبع وما أقدرتش أخرج أرد" أكيد البواب أو المكوجي" وبعدها بشوية رن جرس التليفون وبرضه ما ردتيتش...

إيه دا هي القيامة قامت خلاص، بقيت دلوقتي مهمة والكل عايزني..
وخرجت من الحمام ورن التليفون مرة تانية وطلع هاني..
- ألو إزيك يا حبيبي
- أهلا، كنتي فين يا هانم؟
- إيه يا هاني مالك إيه الرد دا..كنت في الحمام في حاجة؟!
- ماما جت وضربت الجرس وأنتي ما رضتيش تفتحي.
- أنا كنت في الحمام، ليه بس مش هفتحلها.

وكانت هذه أول مواجهة بيني وبين حماتي العزيزة، مع إن اللي يشوفها يقول ملاك يا ربي، و "يا بختك بحماتك"..لكن الحقيقة وضحتها الأيام..

وعدت "حادثة" الحمام، طبعا بعد خناقة بيني وبين هاني، اتهمني فيها بالخيانة العظمى،
المهم بعد الموقف دا قلت أحّرص من حماتي، على رأي المثل: "حرص ولا تخون".

وفي يوم جمعة كنا عند حماتي في "الزيارة المقدسة" وكنت لبسه طقم جديد، ولما شفتني حماتي قالت لي:
- إيه الشياكة دي.
- ربنا يخليكي يا طنط.
- حلو أوي.. جديد ده ؟
- أيوا جيبتوا من يومين.
- جميل، جبتيه بكام؟
- وأنا بسلامة نية جوبت بصراحة...
وعدي اليوم على خير، لكن دا كان في خيالي، رجعنا البيت وغيرنا هدومنا وقعدنا نتفرج على التليفزيون.

- نهي على فكرة إحنا لازم ناخذ بالنا شوية من المصاريف، إحنا بنصرف كتير أوي من غير حساب.
- ليه بس يا هاني، ما إحنا عايشيين عادي زي بقيت الناس.
- عامة أنا بقولك بس.

وبعد حوارنا فكرت أن تكون حماتي بعد ما شافت الطقم الجديد لعبت في دماغ هاني، ولكن رجعت أقول "إن بعض الظن إثم" يمكن تكون صدفة.

ومرت الأيام وربنا أراد يكشف لي الحقيقة...كنا عند حماتي كالعادة وكانت حماتي بتحضر الأكل في المطبخ ودخل عليها "هاني".

قلت أدخل أريح شوية وكانت الغرفة جنب المطبخ، وسمعت حماتي بتقول لأبنها الوصايا العشر، وطبعا ما تعرفش أني سامعة:

- بقولك يا هاني أنت لازم تحافظ شوية على فلوسك مش صرف في الفاضية والمليانة، أنا عارفة أنها مراتك، بس برضه مش كل شوية هدوم جديدة، هتاخد على كدة..وبعدين أنت شوفت هي بتعاملني وحش إزاي وما فتحتليش الباب أما جيت أزورها.
- بس يا ماما دي كانت في الحمام.
- أنت بتصدق دي مش عايزاني أدخل بيتك.
- معلش يا ماما ما تزعليش والله دي كويسة.
- والله أنت اللي طيب.

الحمد لله ربنا ظهر لي الحقيقة، وبعد ما خلصوا كلام لقيت حماتي بتقولي:
- يلا يا حبيبتي عشان تاكلي.
يا سلاااااااام، شوفتوا بجاحة أكتر من كدة.
فعلا حماتي ملاااااااااااك...

انتظروني في الجزء الثالث من يوميات نهي مع زوجها الممل لتعرفوا حكاية الأجازة اللي ما حصليتش

29-12-2007, 02:31 AM

رقم المشاركة : 3 (permalink)

emad_522

Super Members

إحصائية العضو

emad_522 غير متواجد حالياً

رد: يوميات زوجه رجل ممل, يوووووووووووه علي الملل

يلا نشوف حصل ايه مع نهي وهاني

بمناسبه شم النسيم وعيد الربيع وكل سنه والدنيا كلها بخير
قبل شم النسيم بكام يوم كان الصدام الأول بيني وبين هاني..
بدأت الحكاية عندما كنا في زيارتنا الأسبوعية لأهل هاني..
الحاج ابو هاني والده يعني كل سنه وانت طيب يا بني دي اول مناسبه تعدي علي جوازك انت ونهي شم النسيم هتقضيها فين هاني بكل بساطه وهدوء مبالغ فيه عادي يعني أكيد هنجيئ نقعد معاكم شويه وبعدين نروح عند اهل نهي شويه حماتي اتفزعت وأتنطرت من مكانها وكأن زلزال هز الكرسي اللي قاعده عليه نعم بتقول ايه أنت مش هتقضئ اليوم معانا زي ماأحنا متعودين كل سنه أحنا جايبين الفسيخ والسمك من دلؤتي وعازمين خالاتك وعماتك زي كل سنه وماينفعش يعني انك تيجئ شويه كده وتمشي
بصراحه باه انا ما طاقيتش وفجأه لاقيت نفسي بعلو صوتي بقول يا ماما انتي طبعا الخير والبركه وأكيد هاني هيجيلك بس يا ماما ودي اول مناسبه تمر علينا يعني لازم نقضيه معاكم ومع اهلي كمان.... بكل هدوء ردت وقالت طيب مايجئ هو يقصئ اليوم معانا وانتي اقضيه مع أهلك طبعا اتصدمت ازاي مناسبه تعدي علينا كده وكل واحد لوحده يا هاني انت عجبك الكلام بتاع ماما ده يا سلام علي هدوء الأعصاب بتاع الناس دي اعمل ايه بس ماهي مامتي ولازم أرضيها يعني ارضيكي أنتي يا نهي علي حساب ماما لا يا هاني بس انا من حقي أقضي اي مناسبه حلوه معاك مش كده يعني طيب يعني أغضبها يا نهي
أنا ما قلتش تغضبها بس دا ما يكنش على حسابي وحساب أهلي، حاول تقنعها وتكلمها بأسلوب حلو عشان تأثر عليها، أنا شايفة أننا نقسم اليوم بين العلتين أفضل حل بدل ما نظلم أي طرف وكمان عشان ما يكنش كل واحد فينا في حتة.. أنا عايزة أفضل معاك..
حماتي طبعا ما سكتتش مأنتم يا نهي عالطول مع بعض فيها ايه يعني لما أبني حبيبي يقضي يوم زي ده معايا يا ماما وماله بس أنا كمان مراته ومن حقي أنا يقضيه معايا
وبعد تداخل من كل الموجودين وصلنا لحل أننا نقضي اليوم عند العلتين بس طبعا نروح الأول لحماتي قلت وإيه يعني المهم أني هروح لأهلي في الأخر والحمد لله عدي اليوم على خير طبعا بغض النظر عن محاولات حماتي المستميته لتعطيلنا عن النزول لأهلي

يلا كفاية عليكو كدا دلوقتي وكل عام وأنتم بخير

01-01-2008, 11:06 AM

رقم المشاركة : 4 (permalink)

emad_522

Super Members

إحصائية العضو

emad_522 غير متواجد حالياً

رد: يوميات زوجه رجل ممل, يوووووووووووه علي الملل

بعد قضاء اليوم عند حماتي (شم النسيم ) عشان تفتكروا حاولت حماتي ان اليوم ده ينقضي معاها بشتي الطرق وفعلا كان ذهابي
إلي أسرتي في وقت متأخر ولكن الحمدلله قد عدي هذا اليوم علي خير
عند عودتنا أنا وهاني لمنزلنا الصغير طلب مني هاني أن أحضر له الحمام لأنه كان يوم طويل وبالفعل حضرت له الحمام ولبسه الخاص به وذهب هو ليأخذ حمامه أثناء وجوده بالحمام رن تليفون المنزل وإذا بها صديقتي الغالية صديقه عمري وطفولتي هي حقا أختي هناء
أتصلت عشان تقولي كل سنه وأنتي طيبه وأستغليت وجود هاني بالحمام وتحدثت مع هناء صديقتي كثيرا حدثتني عن خطيبها والمشاكل التي تعاني منها مع خطيبها ووالدها وطلبت منها ان تتحمل لأن دائما ما تحدث كثيرا تلك المشاكل خاصه في الفتره ماقبل الزواج ولكن بكائها كان يجعلني أتألم كثيرا لحزنها وضيقه نفسها أثناء المكالمه شعرت بوغز بسيط بمعدتي وأنا احدث هناء ولكني لم أحاول لفت نظرها حتي لا تقلق علي ولكي لا تفهم أنني أريد أنهاء المكالمه معها ولكن مع تكرار ذلك الألم أخبرتها فقالت لي طيب يلا خلاص قومي أشربي حاجه دافيه يمكن عندك برد مأنتي صيفتي بدري يا نهي ومكنش المفروض تصيفي دلؤتي الجو لسه برد قلت لها خلاص انا فعلا هأقوم أعمل العشاء لهاني واحاول أشرب حاجه دافيه وكل ذلك وهاني مازال بالحمام فهو ينسجم مع دشه الدافئ....
بعد غلقي التليفون مع هناء ذهبت للمطبخ لتحضير العشاء قشرت بطاطس وحمرتها وحضرت معها مجموعه من الجبن فأنا وهاني لا نحب إلا الأكل الخفيف كل ذلك وهاني مازال بالحمام بعد انتهائي من تحضير العشاء خرج هاني من الحمام وتناولنا عشاءنا وكانت نفسي لا تأتيني لتناول العشاء ولكن مع تصميم هاني أكلت وبعد تناولنا العشاء لم أتذكر شئ لأنني وجدت نفسي في عياده الدكتوره سالي صديقتنا وبنت خالة هاني في نفس الوقت وهاني وسالي بجواري فأستغربت لما يحدث وقال لي هاني حمدلله علي سلامتك يا حبيبتي .......
كفايه عليكم كده نكمل بعدين اللي حصل في عياده سالي

التوقيع

11-01-2008, 04:10 AM

رقم المشاركة : 5 (permalink)

emad_522

Super Members

إحصائية العضو

emad_522 غير متواجد حالياً

رد: يوميات زوجه رجل ممل, يوووووووووووه علي الملل

فؤجئت بإن باب غرفه عياده سالي بيتفتح وإذا بها حماتي

العزيزه وبمجرد دخولها قالت: مامراتك كويسه أهي يا هاني أمال قلقتني ليه يابني الساعه دي أيه يا نهي كافا الله

الشر..........

كدت أن يغشي عليا مره أخري من ظهور حماتي المفاجئ رديت عليها الحمدلله يا ماما بس أنا لسه معرفتش من سالي

أنا أيه اللي تعبني حماتي: تلاقيكي بتدلعي حكم أنتم يا بنات اليومين دول كل واحده فيكم يجيلها شويه مغص

بتعملوها شغلانه

سالي : شغلانه أيه يا طنط براحة علي نهي شويه نهي فعلا تعبانه ومحتاجه راحه وكمان ماتعملش

أي مجهود نعم نعم يا ست سالي انتي عاوزاها تتدلع اكتر من كده وكاد عقلي وكل كياني يزداد غيظا من كلام حماتي

الذي جعل الألم يشتد بداخلي ماكنش ألم عضوي أو تعب لكن كلامها كان مستفز بطريقه جعلتني اشعر بالأم وأكثر ما

ألمني أتصال هاني بيها وعدم أتصاله بماما وحينما تذكرت عدم وجود أمي بجانبي وأنا تعبانه وحماتي تعباني أكتر قلت

لهاني هاني أنت ليه ما أتصلتش بمامتي ماكنش له لزوم تتعب مامتك في الوقت ده كان ممكن تتصل علي ماما وكان

هما هيجيولي ويكونوا جنبي أتصل بماما يا هاني وخليها تيجئ أنا محتاجها جنبي وكأن كلامي نزل سهما علي

حماتي وأسرعت بالرد وأنا مش مكفياكي ولا ايه يا ست

نهي طبعا لاء يا ماما ده انتي الخير والبركه بس ماكنتش عاوزاه أتعبك خصوصا ان الوقت متأخر وحضرتك متعوده علي

النوم بدري......!

وكل ده وهاني زي ماهو واقف جنبي لا كلم ماما ولا اهتم لكلامي وعشان الحق حماتي قبل ماتتكلم

سارعت في الكلام مع سالي ها يا سالي طمئنيني خير أنا فيا أيه

حماتي ما أنا قلتلك دلع يا نهي وبمصمصه شفتايها هيكون ايه يعني شويه مغص

هاني في برود شديد أهو أدينا هنطمئن من سالي ماتقولي يا سالي هي نهي مالها مغص زي ما ماما بتقول

سالي لا والله يا هاني مش مغص انا محتاجه شويه تحاليل كده لنهي ومش عاوزاها تعمل أي مجهود خصوصا اليومين

دول وتريح نفسها خالص واي حاجه تحصل تتطمئنوني عليها بالتليفون وأنا أكيد هأتابعها

رديت أنا في فزع وخوف تحاليل ليه ياسالي خير

كفايه عليكم كده أكملكم حصل أيه المره الجايه وأدعو يكون خير لنهي

التوقيع

13-01-2008, 01:47 PM

رقم المشاركة : 6 (permalink)

teeji

Members

إحصائية العضو

teeji غير متواجد حالياً

رد: يوميات زوجه رجل ممل, يوووووووووووه علي الملل

ياااااااااا رب يكون خير لنهى

14-01-2008, 06:23 PM

رقم المشاركة : 7 (permalink)

emad_522

Super Members

إحصائية العضو

emad_522 غير متواجد حالياً

رد: يوميات زوجه رجل ممل, يوووووووووووه علي الملل

يارب وده الي هنعرفه المرة الي جاية انشاء الله

التوقيع

27-04-2009, 06:23 PM

رقم المشاركة : 8 (permalink)

نعناعه منعنعه

Members

إحصائية العضو

نعناعه منعنعه غير متواجد حالياً

رد: يوميات زوجه رجل ممل, يوووووووووووه علي الملل

فين بقيت القصه

27-06-2009, 05:09 AM

رقم المشاركة : 9 (permalink)

nonkosh

Members

إحصائية العضو

nonkosh غير متواجد حالياً

رد: يوميات زوجه رجل ممل, يوووووووووووه علي الملل

القصة جميلة فين الباقي؟؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	المشاركة الاخيرة
تاريخ كأس الأمم الأفريقية ..	miro fantastic	كرة القدم	0	04-01-2010 09:45 PM
شيلوني شويه شويه مامي تعبت عليا	عاشقة الغروب	المرأة والطفل والاسرة	1	07-04-2009 06:27 PM
قمة الألم	الساحره	المنتدى العام	0	13-12-2008 03:07 PM
شويه نكت عن المحششين	التنين الاسطورى	منتدي الطرائف والنكت	10	28-07-2007 12:33 PM
شويه نكت على الماشى	التنين الاسطورى	منتدي الطرائف والنكت	9	14-07-2007 05:06 PM

يتصفح الموضوع حالياً : 1 (0 عضو و 1 ضيف)

يوميات زوجه رجل ممل, يوووووووووووه علي الملل

منتدى القصص المتنوعة