ساعه لقلبك ارجو التثبيت

ماشى يا عمدة
بجد أنت شكلك نوى تخلص على فعلا
بس أنا هجاوب لا أنا نفسى افتح قلبى لحد واتكلم معه
بس على فكرة أنت محلل جيد جدا للشخصية لك مستقبل
فاصل ونعود

1- من خلال اجاباتك حسيت انك شخصية انطوائية جدا يعني بتحبي الرومانسية الذائه والبقاء منفردا لو كلامي صح ممكن نعرف السبب في الانطواء

فعلا صح أنا شخصية رومانسية جدا وبحب دايما أكون لوحدى لما بكون مضايقة بس ده فى حالة الحب فقط

اجتماعية جدا مع الناس أحب الهزار والمقالب تخصص عندى ثقة بنفسى فى دراستى لى أصحاب كتير حدا

لكن فى الحب شخصية مختلفة تماما دايما أحب فى صمت ولا اعترف بمشاعرى ببقى انطوائية جدا
الحب يبان فى عينى وصدفة فى المواقف لكن لسانى لا يعترف به بالرغم بيبقى فى قلبى حب كبير قوى

لأنى دايما أحب أكون شخصية قوية مبحبش أكون ضعيفة مبحبش اتجرح ولا أحب اجرح
بخاف شفت قصص حب كتيير بتنتهى امامى ولأنى لما بحب مش بقدر انسى مابعرفش أخدع ولااتخلى عنه
لما بتعلق بحد بيتملكنى من الصعب أنى انساه حتى لو كانت صديقة أوشخص بحبه او حتى لوهدف فى دراستى

- بردو من خلال تحليلي الشخصي لكلامك حثيت انك شخص غريب يملئك حب كبير لاكن مش عيشاة ليه بقي اية السبب منك ولا منه

دى فعلا الحقيقة أنا بحبه جدا وهو كمان كان بيحبنى
لكنى فعلا مش قادرة اعيش الحب ده
مش عارفة مين السبب يمكن أنا فى الاول لانى قلت لك انا مش بعترف بحبى حتى الآن بالرغم من حبى له
عمرى ما قلت له كلمة بحبك بس بيبان على لانى بغير عليه وبخاف عليه
والسبب الان منه ولكنى لا اعلم ما هو السبب

رامجي انتي بتقولي انك انو قريب هتروحي عالم تاني طبعا فاهمين فين هو العالم التاني لاكن السبب اية عشان هيبعد عنك طيب بردو اية السبب

علشان بيبعد عنى ومش عارفة ايه السبب الحقيقى لانه بيبعد فى توقيت غريب
ارتباطنا هينتج عنه مشاكل كتيير فى العائلة لكن انا كان نفسى يواجه وميبقاش ضعيف
هو ماقلش ايه السبب وانا مسالتوش علشان مبنش ضعيفة لكن دايما يقول مش عايز اظلم حد معايا
بس حسيت ان اللى بيعمله ده ضعف وسلبية وعدم القدرة على المواجهة

اول مرة عرفتو انكو بتحبو بعض ازاي بطريقة تقليدية خصوصا انكو قرايب ولا ازاي قولي اعترفي

ماشى يا عمدة انا هحكى لك الحكاية
طول عمرنا احنا الاثنين واحنا صغيرين قريبين جدا من بعض نحب نعاند بعض ناقر ونقير وفاهمين بعض جدا ونفهم بعض بالاشارة وميبقاش حد فاهمنا ونضحك ونلعب ونهزر مع بعض متعوديين على بعض جدا وان هو قال يمين اقول انا شمال اعنده


احكى لك بقى
انا وهوكنا متفاهمين جدا بس نحب نعاند بعض وفهمت يعنى ايه حب حسيت انه هو بيحبنى قوى لكن انا كنت خايفة ان ده يكون تعود ولانى شفت قصص حب كتيير بتنتهى امامى خفت انى دى تكون نهايتنا او حد فينا يتسبب فى جرح الثانى فى الاخر ونخسر بعض وانا ماكنتش عايزة اخسره ابدا لانى مقدرش استغنى عنه
وبدات معاملته تختلف مابقاش يعاندنى قوى زى زمان بالعكس بقى يعمل اى حاجة علشان اكون سعيدة ويرضينى

ولما بكون موجودة بينسى الدنيا كلها مش بيتكلم غير معايا انا بيغير على جداجدا لما بيلاقنى بكلم اى شخص قريبى يتجنن
دايما يتكلم عنى على انى ملاك معجب بى لدرجة الخيال انا كنت فى عيناه اجمل بنت وبيحترمنى ويقدرنى معجب بخجلى بكل شئ فى

ودايما يبين لى حبه ويحاول يعترف لى به لكن انا دايما كنت بتهرب من الكلام وبعانده وبعمل نفسى مش فاهمة
بالرغم من انى كنت بحبه بس خايفة

اية دا تنفع فيلم بجد يارامجى
وبعدين ياابو حميد دخلت المنتدى كدا عادى مش ترمى السلام ياراجل
ولا مكنش عيش وكشرى دا ماشى
ومش تقولولى انكو فتحتوا البرنامج تانى ادخل كدا على عماي
ليك حساب معاى ياابو حميد
الفاصل دا معاى يارامجى
ومعانا احلى كوباية نسكافية ونرجع تانىىىىىىىى

شوية اسئلة كدا فى الذيذ على بال ماتشربى دا








اولا
اية اكتر حاجة ممكن تضايقك ؟؟؟وممكن فى نفس الوقت تفرحك؟؟؟
ثانيا
من ناحية الحب والقصة اللى عيشتيها دى تقدرى تقولي لينا معنى الحب اية؟؟؟؟من وجهة نظرك
ثالثا
اول حضن تجرى عليه لو مضايقة؟؟؟ولو فرحانة؟؟؟مين
رابعا
هل غصبتى على فعل شئ انتى مكنتيش راضية عنه قبل كدا؟؟؟
خامسا
اية اكتر الاماكن فى بلدك طبعا اللى بتحبيها وليها ذكرة معاكى؟؟؟وقولى اية هى الذكرة دى
سادسا
لما تشوفى
البحر
السما
الصحرا
الاطفال
اكيد كل كلمة بتعبر عندك عن حاجة معينة؟؟؟؟اية هى؟؟؟
سابعا
اوصفى حياتك العاطفية فى جملة مختصرة
ثامنا
قولى اكتر مثل منطبق عليكى من ناحية الحب طبعا؟؟؟؟


كفاية عليكى كدا النهاردة
على مااحضر شوية كمان واجيلك يومين كدا
اتفضلى يستى
بس فى الاخر ياريت تقوليلى النسكافية عجبتك ولا لاء

رودى يا هلا ياهلا
كلكم على ولا ايه

بس اسئلة لذيذة يا رودى
اسمحوا لى اعملى كوبية شاى
علشان اركز
فاصل ونعود

اولا
اية اكتر حاجة ممكن تضايقك ؟؟؟وممكن فى نفس الوقت تفرحك

النتيجة بفرح لما بكون جيبة تقدير عالى وطالعة الاولى
واتضايق لو اتظلمت فى مادة كنت تعبت فيها قوى ولقيت حد ما تعبش فيها ومحلش كويس وجاب اعلى منى
دى مش حقد بس ما بحبش الكوسة


ثانيا
من ناحية الحب والقصة اللى عيشتيها دى تقدرى تقولي لينا معنى الحب اية؟؟؟؟من وجهة نظرك
الحب هوانك ماتقدرش تنسى الاخر ولو ثانية وما تستغناش عنه ابدا ويملا حبيبك قلبك وعينيك
فالعين متشفش غيره والقلب مايدخله غير حبيبك وما تجرحش اللى بتحبه لانك لو جرحته تبقى جرحت نفسك وتتمسك به وتدافع عن حبك
الحب عندى انانية عايز حبيبى يكون لى انا ومعى طول العمر وماتنزلش عنه لغيرى


ثالثا
اول حضن تجرى عليه لو مضايقة؟؟؟ولو فرحانة؟؟؟مين

ماما هو الحضن اللى بيحتوينى لما بكون مضايقة أو فرحانة

رابعا
هل غصبتى على فعل شئ انتى مكنتيش راضية عنه قبل كدا؟؟؟

لحد دلوقتى لسه لانى شحصية عنيدة
بس الله اعلم بكرة فيه ايه يمكن الظروف تكون أقوى منى


راجعة لكم تانى بس أخذ نفسى

خامسا
اية اكتر الاماكن فى بلدك طبعا اللى بتحبيها وليها ذكرة معاكى؟؟؟وقولى اية هى الذكرة دى

بيت جدى لأن العائلة كلها كانت بتتجمع فيه
وطبعا لى ذكريات حلوة كتير جدا انا وعلى مع بعض هناك لان كنا بنقضى فيه اجازاتنا واجمل ايامى
فى المكان ده كنا بنلعب وفى ده كنا بنتخاصم ونتصالح وعلى الكنبة دى كنا بنتكلم ونعاند بعض
كل جزء فيه لى فيه ذكرى جميلة

سادسا
لما تشوفى
البحر
السما
الصحرا
الاطفال
اكيد كل كلمة بتعبر عندك عن حاجة معينة؟؟؟؟اية هى؟؟؟

البحر يعنى دموعى من قسوة الجرح او من الظلم
السما يعنى الصفاء والحياة اللى كنت بتمناها
وبنظر للسماء وادعى ربناان يصرف عنى ماعانيت

الصحرا هو مستقبلى اللى كنت بحلم انى اخضره وابنيه وهومعى مش بعيد عنى

الاطفال هى البراءة والقلب اللى مايعرفش يخبى او يخدع
وبفتكر طفولتى انا وعلى

سابعا
اوصفى حياتك العاطفية فى جملة مختصرة
يا له من وجود فى نفس كانت عنود انى لكرامتى صائنة ولقلب حاكمة ولكنى لا أملكه


ثامنا
قولى اكتر مثل منطبق عليكى من ناحية الحب طبعا؟؟؟؟

ان كان الدهر فرق بيننا فلما نتركه يهدم أحلامنا
ما هو بذنبى ولا بذنبك ان كان قدر الله فهو نصيبنا

النسكافيه عجبنى يا رودى لذيذ قوى تسلم ايديكى

يا سيدي نورتي يا رودي يا جميل اهلا بيكي مرة تانية في البرنامج الجميل

بجد انا استمتعت معاكي يا راماجي اجابات جميلة ولنا عوده مرة اخري

أحمد ياريت تشوف عضو غيرىيقعد على الكرسى ويكمل البرنامج
لانى مش هقدر اكمله
ومش محتاجة حل للمشكلة لأن النهاردة بس اتصدمت صدمة عمرى كلها
ومبقاش فى حب بقى فى جرح من الانسان الوحيد اللى حبته
ويا ريتنى ما حبته لانى وضعت فيه ثقتى كلها
مش عارفة ازاى ممكن ارجع اكلمه تانى على انه ابن خالتى

رامجي لو كل العالم اجتمع علي ضرك لن يستطيعو الا بارادت الله لذلك احب اقول لكي

اياكي وفوقدان الثقة بالنفس والعمر طويل وانشاء الله تجدين من يستطيع تقديرك واعطاءك ما تستحقين

اما بالنسبة لكيف تتعاملين معه احب اقولك ان البرود فعلا اجمل هدية ممكن تقدميها لنفسك وكرامتك

واكبر جرح ممكن تعمليه ليه انك تكوني بارده في التعامل معه مشكورة يا جميل علي الوقت الجميل

ودلوقتي نرجع مع برنامجنا ونقول اتفضل اتفضلي يا ؟؟؟؟؟؟؟؟؟؟؟؟؟؟؟؟؟؟؟

















نعود بعد الفاصل ونقول مين يجلس