آدم وحواء .......نقاش للوصول الي حل لمشاكلهما

الله علي موضوعاتك يا يوسيي يا قمر

بجد موضوع جميل

ومنتظرين أسأله شباب المنتدي

تقبلي مروري اختي الفاضله

مشكوره ساندي علي مرورك علي الموضوع
ومرسيي طيف علي ردك الجميل ده
ومنتظرين سؤال الشباب
يلا يا شباب ادخلو عاوزين نعرف ايه النزاعات

حلوة الفكرة يا يوسيي

واختلاف الرأي لا يفسد للود قضيه في انتظار اول مهاجم

السلامـ عليكمـ

موضوع جميل يا أخت يوسيى وبارك الله فيكى ..

وانا هبدا أول سوال واقول للبنات ..

لية البنت وهيه مشية فى الشارع بتبص للبنت التانيه . وتبصلهااا بصه وحشة ومش لطيفة .. وتعد تفصص اللبس والشكل واللون .. بجد دى عادة عند أكتر البنات . والعادة دى سيئة .

لية يا ترى البنت بتبقى احسن منهااا فى حاجة . وشكرا

لا يا حماده القصد من البصه ديه بتكون عشان مثلا عاجبها حاجه في البنت ديه مثلا لبسها كده يعني فبتحاول فتبص علي اللبس عشان معظم البنات او كل البنات بيهتمو بالبس اولا فبيبصو بصه عاديه علي المظهر فقط مش انها احتقار او حاجه تانيه
وعاوزه اشوف رد باقي البنات علي هذا الموضوع
مشكور طيف علي ردك الجميل ده
ومشكور اخ حماده علي السؤال

ايه يا جماعه مفيش حاجه يعني يا شباب مش بتعجبكم في البنات غير النقطه ديه بس
طب والله كويس
وانتو يا بنات مش عارفين تردو علي اللي مش بيعجب الاخ حماده فيكم ولا ايه

طب انا هسأل سؤال لكل شاب
ليه الشاب بيختار انسانه ممكن ميكونشي بيحبها ومش يختار انسانه حبته حب حقيقي وعملت حاجات كتيره عشان ترضيه وفي النهايه الشاب من دول يقولو لا متجوزش واحده مشيت معاها قبل كده وبتكون الانسانه ديه مشيت معاه عشان مش يزعل مثلاً او عشان عاوزه ترضيه يعني مش برغبتها
ياريت الشباب ترد سؤال اريد اجابته ...؟

مفيش حد بيرد ليه انا كده هزعل
ايه يا شباب مش عرفين تردو ولا ايه

بجد كلامك كله صحيح
بس اللي انا عاوزه اقوله مش كل انسان بيقابل الانسانه اللي بتحبه يبقي بيكون طمعان في حاجه تانيه بس بيكون هوه حاسس انها مش هتكون ليه وبيقول عشان هيه مشيت معايا يبقي اكيد مشيت مع حد تاني
وبتكون هيه عمرها ما عرفت او حبت حد غيره
بس كلامك مقنع اوي
تسلملي احمد

انا راي من راي احمد جدا وعلي فكرة هو اتكلم في نقطة تانية غير سؤالك

والرد علي سؤالك ان احنا في مجتمع شرقي ومنهنا يبدا الخلاف بينا وبين الغرب

لاننا مجتمع بيقولو عليه مجتمع اسلامي

وان الواحده الي تعرف ولد كانها عرفت مصر بحلها ده تفكير المصرين كلهم

لاكن في اقليه الي تلاقيه عكس كدة وانا عن نفسي الحمد لله مقدرش احاسب واحده علي حاجة فاتت

مشكور عماد بجد انا استفدت من كلامك ده
بس مش معقول دلوقتي ان واحد مثلاً عاوز يرتبط بأنسانه عمره ما كلمها ولا عرف اسلوبها ولا اي حاجه بمجرد ما شفها يبقي عايز يرتبط بيها
مشكور كمان مره عماد علي ردك

من رايى مفيش شاب دلوقتى بيوافق على انة يتزوج زواج تقليدى الا قليل جدااا وانه لازم يعرفها ويحبها وبعدين يخططوا لحياتهم سوااا
لكن فى نقطة كمان هى ليه الشاب بيقبل على نفسة انة يقابل ويخرج مع الانسانة اللى بيحبها ولو اختة جات مرة قالتلة انا بحب فلان وبخرج معاه تقوم الدنيا ومش هتقعد دا ليييييه ياشباب والاهل كمان بيقبلوا ويفرحوا لما ابنهم يجى يقولهم انا بحب وعايز اخطبها لكن لو البنت قالت كدا تبقى جريمة والطار ولا العار ياولدى
ياريت تجاوبو ياشباب والبنات اية رايها كمان
مشكورة ميس يووو على الموضوع الجميل دا وفرصة فعلا للتحاور شكرا

مرسيي رودي علي الرد
وانا كمان بأيد ردك ده
وعايزه اعرف ليه يا شباب بتقبلو علي الانسانه اللي انتو بتحبوها انها تتقابل معاكم وتتكلم وليها الحق انها تحب ولما تيجي اختك مثلا تحب او تقابل الانسان اللي بتحبه بتبقي عملت جريمه

لان دي حاجة اتفرضت علي الشباب المصري

انه غيرة ويتقال عليه ده واد برم انما اخته لا دي فيها كلام كبير اوي

انا مليش اخوات بنات غيركو عشان كدة مقدرش احكم كويس

ودي بجد عيب خطير اوي فينا

بص بقي يا احمد اكيد لما واحده هتصرح لاخوها انها بتحب فلان او حاجه من ديه هتبقي حاجه كويسه واكيد الاخ هيعجب بكده احسن اما تخبي عليه وتكون بتعمل حاجه غلط
وكمان اخوها اكيد مش هيكون عايز لاخته حاجه مش كويسه فأكيد بيدور علي مصلحتها فلو عرف انها مثلاً بتحب الشاب فلان اكيد لو مش كويس هيبعدها عنه واكيد هيه هتقتنع برأي اخوها عشان اخوها عايزلها الحاجه الكويسه بس هوه ده الموضوع كله

ياة انتي متفالة اوي يا يوسي انتي مفكرة الدماغ المصرية دي اية

انتي عارفه لو هي عملت كدة تبقي بتنتحر

او عايزة تتزل والله بتحصل

او عايزة تخلي ابوها وامها يعرفو عنها انها بتعمل حاجة خطا