آدم وحواء .......نقاش للوصول الي حل لمشاكلهما

بصي انا مع زوكي في كلامة لاكن ليا معاكي نقطة صغيرة

المسالة متوقفة علي مبادا الشعب المصري يوسي يعني

طبع الراجل الشرقي المتصلت او شخصية سي السيد

الي طبعا كلنا عارفينها وهي انه هو الي لازم يامر وهو الي لازم ينطاع محدش يعدل

علي كلامة مهما كان وهو ده اساس الي بيعمله اي رجل انه بيحس بالنقص لو راية غلط نقص لشخصية سي السيد

ونفس سؤال زوكي

اية الكلام ؟؟؟؟؟ فين جميلات المنتدى مفيش ردود ولا اية ؟

لو السؤال صعب ممكن امممممممممممم

ولا لأ مستنين رد حواء وسؤالها وربنا يستر

يااااااااااااه غالي والطلب رخيص
بص يا زوكي انت واحمد الاول عندما تحب شخص لازم تقوله علي كل حاجه عنك وتحكيله وكده يعني عشان مش يعرفها من حد تاني بس حسب شخصيه الشخص اللي قدامك لو كان هيتقبلها او لا يعني فيه شخص يحب انه يعرف اذا كنتي بتحبي قبل كده او لا وشخص تاني لو عرف انك كنتي بتحبي قبل كده بتقوم الدنيا ومش بتقعد وعايز يكونم هوه اول شخص في حياتها طب هيه غلطت لما قالتله طب كده بتعرفك ليه سابته وكده يعني تزعل ليه طب مهيه ممكن كانت تخبي تزعل ليه بقي ويبقي ده سبب من اسباب الفصال بينهم طب ليه مثلا هيه مش عايزه تقوله عشان عارفه ان ده هيبعدهم عن بعض وهيه لو عارفه ان لو قالتله هيكون كويس بالنسبه ليها يبقي تبقي غلطانه لو مش قالتله وعلي فكره اكتر الاوقات واكتر الشباب بتحب تعرف ان الانسانه ديه كانت بتحب قبل كده ولا لا

بجد اخجلتي تواضعي يا يوسي يا قمر وانا فعلا مغلطتش لما سميتك امورة المنتدي

مشكورة وفي انتظار سؤالكم الكريم

فييييييييييييييييييييييييييييييييييين السؤاااااااااااااااااااااااااااااااااااااااال؟؟؟؟؟ ؟؟؟؟؟؟؟

واحنا في انتظار سؤال حواء

THANKS AHMMED
ان بقي عايزه اعرف من ادم ليه كل الشباب بتحب تعرف واحده واتنين وتلاته
وبيحب لمه البنات حوليه وبيحب كلام اي حد عليه في انه يعرف واحده واتنين وتلاته
يعني واد مقطع السمكه وديلها
مع انه ممكن يكون بيحب واحده بس ليه يخلي حد تاني يتخدع في حبه
وبيعشب بنت واتنين وعشره انه بيحبها ونهايتهم هتكون كويسه مع بعض
وبعد كده تكتشب انه بيحب واحده تانيه وعمره ما حبها يبقي البنت ديه تعمل ايه في نفسها
حبت واحد وطلع مش بيحبها

بصى ياستى مش فى غيرة بين حواء وحواء ؟ اهو فى زيها بالضبط بين ادم وادم

بس الفرق الى بينهم ان كل بنت تؤوول لصاحبتها شوفى بيحبنى اد اية وبيعمل اية عشانى وغيرة انتوا ادرى طبعا لكن عند ادم كل واحد يؤول للتانى شووف انا بكلم الشلة دية واعرف دوول ومظبط مع دوول ودة طبعا بيحسسة زى ماتفضلتى وأولتى بانة مأطع السمكة وديلها وأنة واد جامد مالوش حل بس مفتكرش ان ادم بيؤوول لكل البنات الى بيعرفها بحبك اكيد يعنى بس فى فرء بين ادم وادم
فى ادم ذو نفس ضعيفة وضمائر غائبة وطبعا احمد (emad _522) شرحلكم شخصية سى السيد
الى انا هضيف عليها حاجة انة يحب يعد وحريمة حولية ويتمنى ان اصحابة يشوفوة عشان يبأى هو الولد الى فيهم بس كدة ياستى وخفى اسألتك شوية ياحواء

وهدى لأدم تانى فرصة عشان يجاوب بردة على سؤالك يابوسى ويسأل هو بردة

انا عندى احساس ان اجابتى موفتش القدر الكافى بس تتعوض ان شاء الله

غيرى بأى يلحىء ادم من ايدين حواء

هههههههههههههههه انتي شكلك مقطعي الدنيا يا يوسي عيب عليكي كدة

المهم ندخل في الموضوع بصي يا ستي زي ما الا ستاذ وزكي او احمد قالك انه في ادم وادم انا معاه جدا لاكن

الشباب عموما او الراجل عموما بيحب النفخة اي انه يبقي فريد في كل شئ واحسن من الناس الباقية والشاب من دول بيشوف الموضوع ده منين بقي لما يعرف دي ويمشي مع دي ولما حد يشوفه يقولو الواد ده اية ملوش حل اجرام يعني هههههههههه يعني هي نقطة غريزية في ادم وحواء

وسؤالي ليه حواء لما بتحب واحد وهو بيحبها فعلا بتقبي نفسها تعرف كل صحبتها لحد مواحدة تشوفه وتبدا الغيرة القاتلة صاحبتها من كتر الكلام عملي وسوالي بتقبي عايزة تاخدو منها ليه بقي حواء بتعمل كدة

اصلى ياعمدة يامصيتناااااااااااااااا

هههههههههه ربنا يخليك

اية ؟ حوا استسلمت ولا اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

باين كدة ياحمد انهم خلاص شطبو

لأ احنا مش عايزين ننيم الموضووع الجامد دة حواء لو استسلمت تؤول

منا بقولك انسحبوا هااااااااااااااااااااااااااااااااا يالة برة بيتي وانتو محرمين من الميراث

ههههههههههههه مشكورين ويارب مطولو الغيبة بس

ايه حواءتستسلم لادم ابداً
بص يا احمد وانت يا احمد
اولا مفيش حاجه اسمها واحده تاخد انسان من حبيبته
يعني لو واحده قالت لاصحبها انها بتحبالانسان ده وكده وهوه بيحبها يبقي مفيش واحده تانيه تجي وتقول انا كمان بحبه والغيره والشك والنظام ده ولو هيه عارفه انه بيحبها يبقي مفيش حاجه اسمها انه هوه يبص لواحده تانيه ولا ايه
وهيه كمان لو هيه عارفه ان الانسانه اللي هيههتقولها ديه ممكن تفرق بينهم يبقي ليه تقولها مدام هيه مش واثقه فيه او عايزاها تغير منها
لو بتحبه بجد مش هيفرق كلام اي حد او غيرتها عليه

وسؤالي لادم
فيه شباب بتكون بتحب الانسانه ديه وبتبقي عصب عنه يخطب واحده تانيه
عشان مثلا اهله او اي حاجه ظروف طارقه يعني طبمدام هوه عارف انه مشهيبقي ليها وعارف ان اهله مش هيوافقو عليها ليه بيكمل معاها
ايوه بيحبها بس عارفان في النهايه مش هتبقي ليه او مش هيبقي ليها
وحتي بيقول انه ممكن يفركش الخطوبه برده عشانهابس مش من الاول يصارح اهله بأنه بيحبها ومش هيقدر يبعد عنها وحياته من غيرها مش هتمشي ولا يستسلم للحياه ويقول اهي حياه وخلاص وهتنساني وعادي خالص قلبها مش فارق بالنسباله عشان هوه كمان كان ضحيه اهل معندهمشي قلب
اللي انا عايزه اقوله
يقف قدام اهله ف سبيل حبه ويخسرهم ولا يخسر اللي بيحبها في سبيل رضا اهله

هههههههههههه انتي كدة قلبتي مشاكل في الحب بس ماشي يا يوسي هجاوبك


الاهل عمرهم مهيقفو بالطريقة انهم يخسروا ابنهم بس لو حصل اكيد

هيتحكم في الموقف ده العقل قبل القلب لو هي فعلا هتستاهل

هيخترها والاهل بعد فترة هينسو وهترجع العلاقات

وسؤالي لوانتي في الموقف ده واهلك قالولك انهم عمرهم مهيعرفوكي ليوم الدين

تاني هتعملي اية

بص يا احمد اولا مش مشاكل ولا حاجه الحكايه ديه حصلت بجد
وانسان كان بيحب واحده حب جامد جداً وعمره مكان هيقدر يبعد عنها
وفجأه قلها والله معلشي غصب عني والله العظيم بحبك وعمري ما هحب حد غيرك
والله ماما هيه اللي عايزه تجوزني واحده تانيه ومش عايزه تجوزني ليكي مع انها بتحبك اوي بس جواز من ابنها لا
والله العظيم مش عارف اعمل ايه سامحيني علي ااي حاجه زعلتك مني واعرفي اني بحبك
وعمري ما هحب حد غيرك حتي لو كانت خطيبتي
عايز واحده تعرف ان اللي بتحبه هيخطب تعمل ايه يا احمد
وخلاص قالها الخطوبه يوم كذا وخلاص اتمت الخطوبه من كام يوم قريبين
وهيه خلاص دراستها حياتها كل حاجه حلوه في حياتها ادمرت
وهوه لو كان في ايده حاجه كان عملها وكمان بيقول ان شاء الله هفركش الجوازه ديه
وبرده مفيش امل انه يرجه وحتي لو رجع هيه مش هتوافق عليه عشان دمر كل حاجه حلوه فيها
ايه رأيك يا احمد في كده حب ضاع وانكسر وحياه بلا معني
عايزه اعرف رأيك قبل اما اسأل اي سؤال
ولو انا اللي حصلي كده من اهلي اولا عمر ما اهلي هيحبولي اني اعيش مع واحد مش بحبو
عشان اكون عايشه عيشه سعيده