رباعيات العظيم صلاح جاهين

نبذة عن حياة الجميل صلاح جاهين


بدأ عمله كصحفي في عام 1952 و تألقت أعماله الفنيع في روزاليوسف زاشترك في اصدار مجله صباح الخير ثم انضم للأهرام عام 1964

ابتكر عددا من شخصيات الكريكاتير الشعبيه وأثار برسومه معارك سياسيه وفكريه كبيرة

من رواد الكتابه لمسرح العرائس

كتب استعراضات كثيرة للتليفزيون وسيتاريو وحوار العديد من الأفلام

له مألفات عده

نال وسام العلوم والفنون كم الطبقة الأولي

توفي في 21 أبريل عام 1986


قال عنه نعمان عاشور

هو نبت من جيل يصعب تكراره, فقد كان فنانا عظيما متعدد المواهب كشاعر شعبي وكرسام كريكاتيري

ولعل أكثر ما سيبقي لنا منه أشعاره وقصائده الوطنيه التي نؤرخ بها حياتنا الثوريه منذ قيام ثورة 1952

الاولي ...


مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقي ناس أشرار وناس طيبين
!!عجبي

وأنا رأيي انها جميله وبتوصف حقيقة الناس كلهم وتقسيمهم تبعا لمبدأ الحياة .... الخير والشر
مستني آرائكم

الثانية


عجبي عليك .. عجبي عليك يا زمن
يا بو البدع يا مبكي عيني دما
ازاي أنا أختار لروحي طريق
وأنا اللي داخل في الدنيا مرغما
!!عجبي


وطبعا أنا هنا أختلف مع عم صلاح جاهين لأن صحيح اننا بندخل الدنيا بقدر لكن طريقنا ومصيرنا بنحدده بنفسنا

ده رأيي و مستني آرائكم

الثالثة


مرغم عليك يا صبح مغصوب يا ليل
لا دخلتها برجليا ولا كانلي ميل
شايلني شيل دخلت أنا في الحياة
وبكرة ح أخرج منها شايلني شيل
عجبي !!

وطبعا هذا طبيعي جدا لأن طبيعة الحياة أننا نأتي اليها طبعا محمولين بين الأيادي وطبعا بنخرج منها واحنا بين الأيادي

الرابعة


سنوات وفايته عليا فوج بعد فوج
واحدة خدتني ابن والتانيه زوج
والتالتة أب خدتني والرابعة ايه
ايه يعمل اللي بيحدفه موج لموج ؟
عجبي !!


هنا عم جاهين جسد دور المرأة في حياة كل رجل بكل بساطة وسهوله وأن طبعا عمر الرجل ما هيقدر يستغني عن أمه أو زوجته أو بنته بس الرابعه هيه مين ..؟

حد يقدر يقولي ؟؟

الخامسة


وأنا في الضلام .. من غير شعاع يهتكه
أقف مكاني بخوف ولا أتركه
ولما ييجي النور وأشوف الدروب
أحتار زيادة . . أيهم أسلكه ؟
عجبي !!




الانسان يعيش في الدنيا بقدر وان أعطاه الله شعاع نور الي الطريق الصحيح عليه أن يتمسك به ويسلك الطريق الصحيح

نحن ولدنا الي الدنيا بقدر مخيرين فيه ونموت بقدر مسيرين اليه

السادسة


نظرت في الملكوت كتير وانشغلت
وبكل كلمه (ليه ؟) و(عشانيه) سألت
اسأل سؤال . . الرد يرجع سؤال
واخرج وحيرتي أشد مما دخلت
عجبي !!


التأمل في ملكوت الله للعبادة وواجبنا ساعتها ذكره وشكره علي النعم لا أن نسأل في أشياء لن نجد لها أجوبه

لله في خلقه شئون

السابعة

خرج ابن آدم م العدم قلت : ياه
رجع ابن آدم للعدم قلت : ياه
تراب بيحيا .. وحي بيصير تراب
الأصل هو الموت والا الحياة ؟
عجبي!!


الموت والحياة بيد الله لا ندري عنهم شيئا وما نصبوا اليه هو التدبر في حكمه الخالق في خلقه لابن آدم

الثامنة


ضريح رخام فيه السعيد اندفن
وحفره فيها شريد من غير كفن
مريت عليهم . . قلت يا للعجب
الاتنين ريحتهم فيها نفس العفن
عجبي !!


كأس المنون يشرب منه الجميع سواء كان غني أو فقير لأنهم في نهايه الأمر سواء لا يفرق بينهم الا أعمالهم

التاسعة


ياما صادفت صحاب وما صحبتهمش
وكاسات خمور وشراب وما شربتهمش
أندم علي الفرص اللي أنا سبتهم
والا علي الفرص اللي ما سبتهمش
عجبي !!


في حياتنا العديد من الفرص منها المتميز ومنها السئ ولكن علينا أن نتمسك بكل ما هو متميز منها وخاصه اذا كانت فرصه لصداقه حقيقيه
أما الفرص السيئه فأكيد أننا عندما نتقي الله ونتركها سيكون ذلك من أفضل الأعمال

{ و من يتق الله يجعل له مخرجا }

العاشرة


غدر الزمان يا قلبي مالهوش أمان
وحاييجي يوم تحتاج لحبة ايمان
قلبي ارتجف وسألني .. أأمن بايه ؟
أأمن بايه ؟ محتار بقالي زمان
عجبي !!



الايمان هو أساس الحياة .. ان انعدم تكون حياتنا بلا معني .. وان توفر نعيش الدنيا آمنين , بقلوب راضيه

الحادية عشر


يا باب أيا مقفول . . امتي الدخول
صبرت ياما واللي يصبر ينول
دقيت سنين . . والرد يرجع لي : مين ؟
لو كنت عارف مين أنا . . كنت أقول
عجبي !!


دائما ما يكون الصبر مفتاح الفرج و الصبر والعمل هما أسلحتنا ضد هموم الدنيا ودائما ما يكون مقدار الصبر مرتبط بمقدار الايمان

الثالثة عشر



أحب أعيش و لو أعيش في الغابات
أصحي كما ولدتني أمي وأبات
طائر .. حوان .. حشرة .. بشر .. بس أعيش
محلا الحياة . . حتي في هيئه نبات





الحريه كالماء والهواء
الحريه المطلقه هي حلم كل مبدع يعيش في الدنيا , ولا يمكن أن يعيش حتي الانسان العادي بدون الحريه

الرابعة عشر


سهير ليالي وياما لفيت وطفت
وف ليله راجع في الضلام قمت شفت
الخوف .. كأنه كلب سد الطريق
وكنت عاوز أقتله .. بس خفت
عجبي !!

الشئ الطبيعى احساس الناس بالخوف
مهما عاشوا وشافوا
اكيد بردو هيفضلوا يخافوا لان الخوف غريزة فينا
واحساس موجود جونا
منقدرش نتخلص منه
زية زى اى احساس تانى
زيه زى الفرح زى الحزن

الخامسة عشر


عجبتني كلمه من كلام الورق
النور شرق من بين حروفها وبرق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!

الكلمه هي عنوان الحياة فبكلمه يحيا انسان وبكلمه أخري يموت آخر

سبحان الله له في خلقه شئوون

السادسة عشر


رقبة قزازة وقلبي فيها انحشر
شربت كاس واتنين وخامس عشر
صاحبت ناس م الخمر ترجع وحوش
وصاحبت ناس م الخمر ترجع بشر
عجبي !!


مع رفضي التام للخمر عامه الا أنني أقول أن الناس معادن تظهر شخصياتهم الحقيقيه في أوقات قليله جدا
وعلينا أن نحكم علي الناس ليس بمظهرهم و لا شكلهم ولكن بأفعالهم وتصرفاتهم

السابعة عشر


كل اللي في الخمارة صابهم جنون
صبحوا الرجال يتبادلوا كاس المنون
وبدم ونبيت انكتب ع الجدار
( ياميت ندامه ع اللي قلبه حنون )
عجبي !!


حقيقه لم أجد أي تعليق عندي علي هذه الرباعيه ., وسأترك لكم التعليق

الثامنة عشر


قالوا الشقيق بيمص دم الشقيق
والناس ماهياش ناس بحق وحقيق
قلبي رميته وجبت غيرة حجر
داب الحجر .... ورجعت قلبي رقيق
عجبي !!


أحوال الدنيا تتغير بتغير الزمان فما بالكم بتغير القلوب وأحوالها

اللهم ثبت قلبي علي دينك

لأنه اذا ثبت علي الحق ما تغير ولا تأثر بأي شئ