رباعيات العظيم صلاح جاهين

التاسعة وثلاثين ....



اخطفني ياللي تحبني ع الحصان
الدنيا قالت يوم في ماضي الزمن
اخطفني ياللي تحبني ع الفرس
الدنيا قالت . . قام خطفها الشيطان
عجبي !!




وبتتعجب ليه يا عم صلاح ماهي الدنيا دي كلها لاتنين بس اما الشيطان او الذين اشتروا الحياة الدنيا بالآخرة

ده حال الدنيا ياعمنا وبعدين علي رأي ستي لما تلاقي الخير كتير تقول استر يارب وخلي بالك يا بني وان كملت خاف منها

الاربغون ..........



من بين شقوق الشيش وشقشقت لك
مع شهقه العصافير وزقزقت لك
نهار جديد انا . . قوم نشوف نعمليه
انا قلت يا ح تقتلني . . يا ح اقتلك
عجبي !!




وقالوها زمان الوقت كالسيف ان لم تقطعه قطعك
وياسلام علي اللي ياخد بركه الصبح وخيره , فقد قال النبي صلى الله عليه وسلم: [[بورك لأمتي في بكورها]] ولذلك فإن كثيرًا من الأشخاص الأغنياء عندما سئلوا عن سر غناهم قالوا السبب التبكير في السعي وراء الرزق

الحادية والاربعون


قلبي عليل يا ناس وفي الكاس دواه
مديت له ايدي شربت م اللي جواه
جنبي الشمال خف . . واليمين اتوجع
وايه يداوي الكبد م اللي كواه
عجبي !!





تسلم يا عم جاهين حاسس بينا وقارينا , بس وجع القلوب ساعات يكون دواه بايد غيرنا لكن وجع الجسد دواه برده مش بايدينا , ربنا الشافي هو المعافي , نتوكل عليه وكل بكل شئ داري

42


دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت
عجبي !!


الله الله الله الله

صدقت يا عم جاهين صحيح ورد الربيع بيدبل في الشتا وورق الشجر بيقع كمان , لكن حبنا ....

أنا وحبيبتي دايما في ربيع لأن زهرة حبنا بتتروي من نبع حبنا ودفئها وهواها من روحنا اللي جمعها فينا ربنا

43
.


يا اللي انت بيتك قش مفروش بريش
تقوي عليه الريح . . يصبح مفيش
عجبي عليك حواليك مخالب كبار
ومالكش غير منقار وقادر تعيش
عجبي !!




سبحان الله , له في خلقه شئوون

44


سمعت نقطه ميه جوه المحيط
بتقول لنقطه ما تنزليش في الغويط
أخاف عليكي م الغرق . . قلت أنا
ده اللي يخاف م الوعد يبقي عبيط
عجبي !!



وعدنا مكتوب علينا من يوم ميلادنا , نخاف ليه وعشان ايه !!!

ده عمر وحياه بنعيشها وحلم بيكون و بادينا نحققه ونتمناه و غير وعدنا ما هنلقاه

45



جالك أوان و وقفت موقف وجود
يا تجود بده يا قلبي يا بده تجود
ما حد يقدر يبقي علي كل شئ
مع ان - عجبي - كل شئ موجود
عجبي !!




حال الدنيا طول ما احنا عايشين فيها بنمر فيها باختيارات كتير ........ المهم نختار صح

46



أنا كنت شئ وصبحت شئ ثم شئ
شوف ربنا . . قادر علي كل شئ
هز الشجر شواشيه ووشوشني وقال:
لابد ما يموت شئ عشان يحيا شئ
عجبي !!




ربنا قادر علي كل شئ , سبحانه , يغير ولا يتغير , سبحانه

47



يا مشرط الجراح أمانه عليك
وانت ف حشايا تبص من حواليك
فيه نقطه سوده في قلبي بدأت تبان
شيلها كمان . . والفضل يرجع اليك
عجبي !!


ياريت المشرط يقدر يشيل النقط السودا اللي جوانا كلنا واحنا نعيش بسلام أجمل حياه في حب وهنا ,,,,,, يااااااااااااه

48



كيف شفت قلبي والنبي يا طبيب
همد ومات والا سامع له دبيب
قاللي لقيته مخنوق بالدموع
ومالوش دوا غير لمسه من إيد حبيب
عجبي!!


كل قلب وله طبيب وكل واحد وله حبيب وأنا وقلبي نسينا الاتنين

49



تسلم يا غصن الخوخ يا عود الحطب
ييجي الربيع .. تطلع زهورك عجب
وليه بيمضي ربيع وييجي ربيع
ولسه برضط قلبي حته حطب
عجبي!!


يصبح القلب كالخشب في جفافه وكالحديد في قسوته إذا نسي الانسان ذكر الله

50




بحر الحياة مليان بغرقي الحياة
صرخت خش الموج في حلقي ملاه
قارب نجاه ! . . صرخت قالوا مفيش
غير بس هو الحب قارب نجاه
عجبي !!



حب الله ؛ هو أسمي أنواع الحب

الحب معني كبير لو فهمناه علي حقيقته هنكسب الدنيا والآخرة

51



فارس وحيد جوه الدروع الحديد
رفرف عليه عصفور وقال له نشيد
منين منين . . ولفين لفين يا جدع
قال من بعيد ولسه رايح بعيد
عجبي !!




حياتنا طريق طويل يا اما نمشيه في سبيل الخير ونفوز في نهايته بالجنه ,,,,,, يا اما واوعي تكملها لحسن مجرد ذكرها يخوف

52




كان فيه قمر كأنه فرخ حمام
علي صغرة دق شعاع شق الغمام
أنا كنت حاضر قلت له ينصرك
إشحال لما ح تبقي بدر التمام
عجبي!!




بدر التمام في الجمال ملوش وصف أما فرخ الحمام ......... يتوصف بعد أكله

53



كرباج سعاده وقلبي منه انجلد
رمح كأنه حصان ولف البلد
ورجع لي نص الليل وسألني . . ليه
خجلان تقول انك سعيد يا ولد
عجبي !!




دي السعاده أمل عند الناس كلها .. يا بخت من كان سعيد وسعادته في قلبه

54



مزيكه هاديه الكون فيها انغمر
وصيف وليل وعقد فل وسمر
يا هلتري الناس كلهم مبسوطين
ويا هلتري شايفين جمال القمر
عجبي!!


كل الجمال ده لازم يشوفه قلب سعيد وفرحان بحب جميل ويا بخت من كان قلبه عايش الجمال ده كله

55





إنشد يا قلبي غنوتك للجمال
وإرقص في صدري من اليمين للشمال
ما هوش بعيد تفضل لبكرة سعيد
ده كل يوم فيه ألف ألف احتمال
عجبي!!


افرح يابن آدم وعيش سعيد وانسي هموم الدنيا تلاقي السعاده دايما معاك

وعلي رأي ستي

أهل الهنا مشيو في طريق الحزن عتر الهنا فيهم ويارب دايما هنيهم

56



آه لو أنا ومحبوبي جزنا الفضا
في سفينه وحدينا .. وأشيا رضا
ساعه صفا تعجبنا نرجع لها
والهم قبل ما ييجي ... يبقي مضي
عجبي !!



ممكن نعيش علي الأرض زي ما بتحلم وما نطلعش الفضا ,, بس ده يكون لو كلا الحبيبين اجتهدوا لكده

57




حدوته عن جعران وعن خنفسه
اتقابلوا حبو بعض ساعة مسا
ولا قال لهم حد اختشوا عيب حرام
ولا حد قال دي علاقة متدنسه
عجبي !!


طبعا محدش هيقدر يقول حاجه مش جعران وعن خنفسه هههههههههههههههههههههههههههههههههههههههههههههههههه ه

58




ياللي عرفت الحب يوم وانطوي
حسك تقول مشتاق لنبع الهوي
حسك تقول مشتاق لنبع الغرام
ده الحب . . مين داق منه قطرة . . ارتوي
عجبي !!



الحب هوه انك تلاقي اللي يشتريك زي ما انت شاريه ويخاف عليك أكتر منك وحاجات كتير أهمها نبع الحنين