رباعيات العظيم صلاح جاهين

التاسعة عشر



يوم قلت آه . . سمعوني قالوا فسد
ده كان جدع قلبه حديد و اتحسد
رديت علي اللايمين انا وقلت . . آه
لو تعرفوا معني زئير الأسد
عجبي !!



في حالات الضعف تجد الناس دائما ما تتغامز عليك وتبعد عنك ولكن في حالات القوة تجدهم أقرب المقربين لك

اللهم احفظنا من تقلبات الزمن والبشر

العشرين


بين موت وموت . . بين النيران والنيران
ع الحبل ماشيين الشجاع و الجبان
عجبي علادي حياة . . ويا للعجب
ازاي أنا - يا تخين - بقيت بهلوان
عجبي !!



الحياة هي ما نصنعه نحن وهي نتاج أفعالنا وفي البدايه يكون الاختيار لنا ولكن في النهايه نكون مسيريين

هذا هو قانون الحياة وعلينا قبوله والعمل به

الحادية والعشرين ....


دخل الربيع يضحك لقاني حزين
نده الربيع علي اسمي لم قلت مين
حط الربيع أزهاره جنبي وراح
و ايش تعمل الأزهار للميتين
عجبي !!


موت القلوب وبوارها هو أصعب شئ في الدنيا , فعلينا أن ننمي زهرة قلوبنا بالحب والفرح والسعاده
لأن عمر الانسان لا يقاس الا بمقدار اللحظات السعيده التي عاشها

الثانية والعشرين


مهبوش بخربوش الألم والضياع
قلبي ومنزوع م الضلوع انتزاع
يا مرايتي يا اللي بترسمي ضحكتي
يا هلتري ده وش والا قناع
عجبي !!


تمتلئ الدنيا بالكثير من الأقنعه و تكون الحقيقه منعدمه , فعلينا ان نميز بين الحقيقه و الزيف في البشر

هناك مقوله تقول ( عندما تكون علي حقيقتك ... تمتلك الدنيا بأسرها وعندما تزيف الواقع ... لا تخسر الا نفسك )

الثالثة والعشرين ..... تحفة



حبيت . . لكن حب من غير حنان
وصاحبت لكن صحبه مالهاش أمان
رحت لحكيم و أكتر لقيت بلوتي
ان اللي جوة القلب مش ع اللسان
عجبي !!


في دنيا يملأها الانشغال والسعي وراء الرزق , يصبح الغموض والجديه هم من سمات العصر الحديث

ولكن الحب موجود ولكن ان أردنا نحن فعلينا أن نجعل من الوضوح والصراحه سمات لنا

الرابعة والعشرين .....



ليه يا حبيبتي ما بينا دايما سفر
ده البعد ذنب كبير لا يغتفر
ليه يا حبيبتي ما بينا دايما بحور
أعدي بحر ألاقي غيره اتحفر


الاشتياق هو الدليل الأكيد علي وجود الحب بين وليفين تقابلت قلوبهم في جنه الحب
تعانق القلوب عند الأحبه بعد ويشعرون بالقرب والأمان عندما تكون قلوبهم ..... قلب واحد

الخامسة والعشرين


يا قرص شمس ما لهش قبة سما
يا ورد من غير أرض شب ونما
يا أي معني جميل سمعنا عليه
الخلق ليه عايشين حياة مؤلمه
عجبي !!



علينا ان نستمتع بكل ما هو جميل في حياتنا وأن ننسي الأحزان لأن الحياة قصيرة جدا

السادسة والعشرون


أعرف عيون هيه الجمال والحسن
واعرف عيون تاخد القلوب بالحضن
وعيون مخيفه وقاسيه وعيون كتير
وباحس فيهم كلهم بالحزن
عجبي!!


العيون هي لغه التعبير الأولي في البشر , ولكنها في الكثير من الأحيان تكون رمزا للتعبير عن الحزن
ولكن الأكيد انها تكون هي صله الوصل والتفاهم الأولي بين المحبين

السابعة والعشرين


ايش تطلبي يا نفس فوق كل ده
حظك بيضحك وانتي متنكدة
ردت قالت لي النفس : قول للبشر
ما يبصوليش بعيون حزينه كده
عجبي!!

ليس الأفضل أن تكون من أصحاب الحظ السعيد ولكن الأفضل والأجمل أن تكون سعيد النفس وسعيد الحظ وهذا ما يتمناه كل انسان

الثامنة والعشرين .....



يا حزين يا قمقم تحت بحر الضياع
حزين أنا زيك وايه مستطاع
الحزن ما بقالهوش جلال يا جدع
الحزن زي البرد . . زي الصداع
عجبي !!

الحزن هو من أكثر أمراض العصر .. علينا أن نقاومه دائما وأن نجمع كل أسلحتنا من السعاده والفرحه لنحاربه وان أردنا أن ننتصر أكيد سننتصر

اللهم أبعد عنا الهم والحزن واحمنا منهم

التاسعة والعشرين .......



في يوم صحيت شاعر براحه وصفا
الهم زال والحزن راح واختفي
خدني العجب وسألت روحي سؤال
انا مت ؟ . . والا وصلت للفلسفه ؟
عجبي !!


الراحه والصفا والسعاده أصبحوا أملا لكل انسان يعيش في دنيانا مع ان كل هذا بيدنا نحن فحياتنا هي مقدار ما عشناه وسنعيشه في راحه وفرحه وسعاده

اللهم ارزقنا راحه النفس والضمير والسعاده

الثلاثون


يا نجم . . نورك ليه كده بيرتجف ؟
هو انت قنديل زيت ؟ . . أو تختلف ؟
- أنا نجم عالي . . بس عالي قوي
وكل ما أنظر تحت أخاف انحدف
عجبي!!

النجاح دائما ما يكون هو ما يصبوا اليه كل انسان والأهم من ذلك هو كيفيه الحفاظ علي الطموح والنجاح المستمر

الحادية والثلاثين


السم ولو في الدوا . . منين يضر ؟
والموت . . ولو لعدونا . . منين يسر ؟
حط القلم في الحبر واكتب كمان
. . والعبد للشهوات . . منين هو حر ؟
عجبي !!



لا أجد داخلي شيئا لأعلق علي هذه الرباعيه ... وسأترك التعليق لكم ........

الثانية والثلاثين



وقفت بين شطين علي قنطرة
الكدب فين والصدق فين يا تري
محتار ح أموت. .الحوت خرج لي وقال
هو الكلام يتقاس بالمسطرة ؟
عجبي !!



أكمل ورد علي الحوت وأقله طبعا يتقاس بس بالاحساس , يتقاس بكلمه ممكنم تحيي وممكن تميت

وقرئتها في السابق ..


الكلمة نور وبعض الكلمات قبور
وبعض الكلمات قلاع شامخة يعتصم بها النبل البشري
الكلمة فرقان بين نبي وبغي

الرابعة والثلاثين .....



الدنيا أوده كبيرة للانتظار
فيها ابن آدم زيه زي الحمار
الهم واحد . . والملل مشترك
ومفيش حمار بيحاول الانتحار
عجبي !!


بيكون زيه زي الحمار أكيد ان كان قلبه خاليا من الايمان والصدق والمحبه في الله ومن يتوفر في فلبه ولو جزء صغير من ذلك سيعيش عيشة راضيه حامدا وشاكرا وآملا في الله كل خير

اللهم ثبتنا علي دينك وأن اللهم احمنا من شرور أنفسنا ومن وسوسه الشياطين

السادسة والثلاثون ....



يا طير يا عالي في السما طظ فيك
ما تفتكرشي ربنا مصطفيك
برضك بتاكل دود وللطين تعود
تمص فيه يا حلو . . ويمص فيك
عجبي !!



التواضع سمه من سمات النجاح الكامل , من تواضع لله رفعه

السابعة والثلاثين ....



كروان جريح مضروب شعاع م القمر
سقط من السموات فؤاده انكسر
جريت عليه قطه عشان تبلعه
أتاريه خيال شعراء ومالهوش أثر
عجبي !!



لا أجد بداخلي تعليق غير انها رباعيه روعه

الثامنة والثلاثين ....



ما حد في الدنيا دي واخد جزاته
ولا حد بيفكر في غير لذاذاته
ماتعرفيش يا حبيبتي..انا وانتي مين ؟
انتي عروس النيل .. وانا النيل بذاته
عجبي !!


عجبي عليك يا نبع حب كان حلم لكل شاب وفتاه علي مر الزمن كان ينقاس بدفئ وحب وسعاده .. لكن في زمانا بقي نبع الحب ينقاس بمعاه كام وهيجيب ايه والباقي انتو عارفينه